Job 15

Aliphaz

1Tua ciangin Teman mi Eliphaz in dawng a: ^a

2 “Mipil khat in a cihnopna kithei lopi in mi dawng ngei ahi hiam,
ahikeh nisuahna huih-sa in a gilpi vahsak ding hiam? ^b
3 Kimanna nei lo kammalin mi sel a,
phattuamna om lopi kampau ahi hiam? ^c
4 Ahi hangin nang, biakna-mi hih ding na sumai-a,
Pasian tunga ki-ap ding na dal hi. ^d
5 Na mawhna in na kam manlangsak a; ^e
khembawlna leii na zang hi. ^f
6 Na kam in kei hong mawhpaih loin nang hong mawhpaih hi;
na langkhatah na muk in teci pang hi. ^g
7 “Nang bek mihing a piang kisa na hi hiam? ^h
Mualte pianma-in hong kibawl khia khin ahi hiam? ⁱ
8 Pasian vaihawmna zasim na hi hiam? ^j
Nang bek pilna nei na hi hiam? ^k
9 Kote theih loh bang thei na hi hiam?
Kote neih zawh loh bang thugil nei na hi hiam?
10 Na pa sang nangawn-a upazaw ^l
khangham-a samkangte ko lamah pang uh hi. ^m
11 Pasian in nang hong hehnem a ⁿ
kamkhuma hong hopihnasa kicing sa nai lo na hiam? ^o
12 Bang hangin na lungtang in hong pimang a, ^p
mit sat khapkhap in
13 Pasian tungah tua bang hehluatna kam ^q
na muk panin paukhia na hi hiam? ^r
14 “Numei pana piangkhia peuhmah a siantho nading
ahikeh a thumaan nadingin mihing bang sa mawk na hiam?
15 Pasian in ama misiangthote muang loin ^s
ama mitah vantungte nangawn siangtho lo ahileh, ^t
16 gitlohna tui banga a dawn, ^u
a siahuai, bangmah a man lo mihing nak ginat kei zaw na’n cia! ^v
17 “Ken zong hong gencian ning, na ngai dih in;
ka muhsate hong gensak dih in; ^w
18 Hih in mipilte thugen hi a,
a pate uh tung pana a ngahte uh a ip hetloh uh hi a ^x
19 (tua in amaute tung bekah a gam uh kipia in, ^y
amaute lakah pemtate a om ma-a kipia ahi hi):
20 Migilo in a nuntak sung thuaksiatna tuak a, ^z
a nuntak kum tawntung ngongtatna a thuak ding hi.
21 Patauhna aw a bil ah gingden a, ^aa
a nuamsa a bat laitakin buluhte in luh ding uh hi.
22 Khuamial pan suahtak nading lametna om lo a, ^ab
namsau-a thah dingin ciamtehsa ahi hi.
23 Musanete ▼

▼15.23 Ahikeh an zon nadingin

an dingin - a vak kawikawi hi a, ^ad
a tungah khuamial a tunpah ding lam a thei hi.
24 Lungdonna le lungtawlna in amah linthawn hi; ^ae
galsim dinga kithawisa kumpipa bangin tuate in a lungsim a zen hi.
25 Bang hang hiam cihleh amah in Pasian lamah a khuttum liika, ^af
a Thahatpa langkhat ah kiphasak in, ^ag
26 ama langah
a sah a khauh lum tawi-in khauhtakin a do hi.
27 “A maitang thau-in
a kawng sa dimin pek khilkhel zawzen zongin ^ah
28 kuama ten lohna
inn siasa tawh a kidim khuapi siasa ah
a teng ding hi. ^ai
29 Amah hau nawn lo dinga, ^aj
a neihsate kip loin a neihsate zong leitungah a kizel nawn kei ding hi.
30 Amah khuamial pan a suakta kei ding hi; ^ak
ama mengte meikuang in hultum dinga, ^al
Pasian kam pana huu in amah pimang ding hi. ^am
31 Man nei lo khat muangin amah le amah kikhem kei hen, ^an
ahang in, bangmah a lawhtak kei ding hi. ^ao
32 Ama hun a tun ma-in a cingin kipia dinga, ^ap
ama hiangte a meng nawn kei ding hi.
33 A gah a min ma-a kizuutkhia lenggah bang dinga, ^aq
a pakte a pulh khin olive kung bang ding hi. ^ar
34 Ahang in, Pasian neilote tawh a kipawlte tasel ding uh a,
golhsum lak nuam sate puanbuk mei in a hultum ding hi. ^as
35 Amaute in buaina paii in gitlohna suakkhia uh hi; ^at
amaute’ sul in khemna a piangsak hi,” a ci hi.